• Goodbye HK Hello UK

做中餐靠華人客就XX啦!

一個英國Town仔嘅中餐老闆就咁講。





一個town仔裡面有一間小型嘅中餐館,老闆係黎咗英國三十幾年嘅香港人。佢唔係嗰類乜都話掛住香港怨天怨地嗰類老華僑,反而係一個我覺得都算係非常融入英國社會文化嘅「假華人」。從佢口中係可以填補到,我離開咗英國廿幾年英國嘅轉變同現今中餐館經營嘅趣事。 點解我話佢係「假華人」呢?就係佢做生意嘅手法,以經完全脫離晒華人餐館嘅經營模式。廚師放假唔開門,自己放假又唔開。除咗要保持水準,而且唔想搵其它華僑替工搞到亂晒龍(簡單啲講放假唔想煩)。而且佢好堅持有兩套menu,英國客人版同香港人(唔係華人)版。


英國人嘅menu大家都明係食乜啦,而香港人版就好有趣。佢好老實咁講,今時今日開中餐想賺所有華人錢就XX。因為國內客幾十個省幾十個口味,重要同家鄉一樣味點搞呀。而香港黎嘅就乜都要同香港比,厘度英國喎! 就只做好似我一家咁想食下簡單家常口味,要求不多接受到點都有分別嘅家庭熟客。佢話大家香港人都明,點整都無可能好過香港嘅。做下熟客,傾下計做個朋友咪算囉。要食「好嘢」,連佢自己都會番香港食吧啦。 佢話黎得英國開餐館,目標客人一定係佔大多數嘅本土人。


我就問佢唐人街同town仔嗰啲新界人開嗰啲,酒樓同takeaway都重可以喎。佢好感概咁話,有得食就好食。因為十間有七間啲老闆退休,都買晒比國內人。「用料嗰啲我費事嚇你啦,問題係佢地重係好天真咁做同胞生意」,即係唔啱你食啦。 最後佢話最欣賞就係一個香港移民第二代Alan Yau,阿爸阿媽開takeaway出身。自己就最憎傳統模式,就開咗全英國第一二間米芝蓮西人中餐,然後整咗最大嘅日式鬼佬中餐連鎖店"Wagamama"。因為做餐廳生意最大目標客戶一定係最大嘅本地人,如果為咗要求高到做唔到嘅小眾客人,真係會XX...


#何必強求家鄉味 #要嘅咪自已整啦 #唔係咪番鄉下食 #生意認該係咁做 #香港壽司乜人開 #唔通想做日本客

518 views1 comment

Recent Posts

See All