• Goodbye HK Hello UK

自律係家教嘅一種,係咪有家長做起?





臨近聖誕,英國小學一樣,放假前都會有小朋友嘅聖誕表演,「西妹」間學校亦都唔例外。同香港嗰啲差唔多,都係扮下星星,小天使或者羊咩咩,真係無乜嘢好分享。唯有一件事,令我特別感受深刻。亦可能解釋到,點解咁多香港人時至今日,睇表演或睇戲仍然咁無品,就係無家教同自律性呢?


當年「西妹」响香港都叫做讀過一陣K1,亦參加過聖誕表演。嗰啲國際幼稚園,租個鬼迷咁大嘅舞台,無非係比啲怪獸家長膠慶自豪下。包括本人,個個港爸好似影野生動物咁,抬住啲長炮鏡頭,而港媽們就攞住部手機拍片。結果個個响台下走黎走去,呢個就嗌「BB」,嗰個就叫「呢度呀!」,得個亂字,直情當自己屋企一樣,唔記得係小朋友一齊表演咁。


好話唔好聽,我都係個對攝影有要求嘅人。但「西妹」間學校講明,唔想影響小朋友,亦希望家長專心欣賞,所以唔希望家長影相,安心睇表演。最後真係全部人都好聽話,手機都無人攞過出黎,而我支長炮開場前影咗呢一張咁大把就收埋。然後大家開開心心,睇下啲人仔嘅蝦碌表演。睇黎呢啲就係家教嘅一種,尊重表演者同其他觀眾嘅自律性。


香港?大家睇戲見識好多啦?演唱會同舞台表演受唔少吧?


#講劇情

#傾閒計

#講電話

#用手機

#影相

#拍片

#仲有無