• Goodbye HK Hello UK

英國新技術移民方案


取代現行嘅Tier 2 Working Visa的技術移民方案




昨日英國政府放風,話今日會公布全新嘅技術移民方案,取代現行嘅Tier 2 Working Visa。雖然本人唔係K乜嘢OL,更加唔係執唔執葉移民律師,只係一個小小書童死Agent。不過自覺有責任去深入了解下係咩新花樣,唔希望好似街邊啲「顧問」咁,道聽塗說亂咁噏,希望幫到大家。


百幾頁嘅White Paper加埋cross reference同理解,我話明解通晒就滾大家啦,不過暫時都有些少概念嘅。不如先分享下大概,留返下個星期《移民星期二》再詳細分析討論。首先,呢個可能係係一早假設No Deal Brexit嘅期中一個準備方案,唔知好彩定唔好彩始終要用。對香港人或者留學生一定係好事,但對東歐EU勞工都幾大鑊。廢話唔多講,暫時了解到嘅要點是咁的:


– 年薪三萬鎊嘅要求不變,但學歷要求就調低到A Level或以上,無年齡(當然唔係退休年齡)同國籍限制,亦取消每年兩萬多啲嘅限額。


– 工種要求亦調低到各式管理階層開始,例如物流,酒店或者餐飲之如此類,而專業人士,即係乜師物師同創科人材更好。


– 顧主仍然都係要有Sponsorship License先可以請外國員工,不過唔需要證明請唔到本地人。而且將會有一套簡易嘅方法,比啲中小企戲或者無請外國人經驗嘅顧主申請個license。


– 留學嘅大學生响畢業後可以有六個月時間,留低揾工,Phd就有十二個月,唔再係好似依家咁學生簽證完咗要即走。


– 呢個唔多關香港人事嘅,不過係東歐EU勞工嘅震撼彈。就係低技術外勞,一樣唔會再有國籍限制,但係得十二個月嘅工作簽證(唔可以帶家人)。一來對顧主要求低咗,同時即係就算續多十二個月都唔再可以住夠五年攞永久居留或者入籍。


暫時估計會响2021年開始執行,眼開始花,腦開始實,等我同呢幾日腦細再參透下,下星期二再同大家分享。


Photo Source:網上亂揸揾圖片


#英國技術移民計劃 #有多條路 #走得就走 #GoodbyeHKHelloUK #英國工作簽證