• Goodbye HK Hello UK

34%嘅市民想移民


到底係咪一廂情願呢?



中大訪問咗704人咁多嘅「大型」民調,發現有34%嘅香港人考慮移民。雖則係死移民Agent,睇到呢啲數據照計應該好亢奮(今次仲唔發?),但係竟然全無感覺。以我每人面對至少十個八個,實行或考慮移民英國中嘅客人或網友嘅經驗黎睇,覺得呢個民調結果係咪對「移民」呢個話題有啲一廂情願呢?


嗰啲自稱考慮移民嘅受訪者,想移民嘅原因離不開香港嘅政治環境同住屋生活有幾不滿,繼而「幻想」嗰啲理想移民目的地有幾美好。老老實實,自己做移民呢行,緊係越多人想移民就越多生意嘅,收錢送人一程容乜易,但咁又係咪等如每個人都適合或者應該移民呢?事實唔係咁囉!係㗎,我呢個死移民Agent,就係如此趕客,因為我唔鐘意消費所謂嘅「移民夢」!


香港現況好還是差,唔到我呢個華僑講,畢竟仲有六成成人想留低。但聲稱想走嘅原因,又係係政治同居住嘅問題。可惜香港有幾衰係一回事,外國好唔好其實係另一件事,對嗎?除非移民咗收埋自己响唐人街,乜美國、澳洲、台灣甚至英國嘅社會政治無爭拗,無撕裂咩?任何國家嘅自由同人權係有代價嘅,政治就係外國生活一部份。都唔好講融入,有無考慮點了解同尊重當地社會文化呢?


最後又最重要嘅係,理想同期望永遠都係美麗嘅,但實際情況一定有落差。其實有無心理準備响得失之間取捨?


#死移民Agent #又一趕客巨獻 #走得緊係走啦 #但要有心理準備 #移民不是一個夢 #係得失取捨